Kruip só nader aan wêreldrekord vir mielies

PLAASINLIGTING

LIGGING: Vrede, Vrystaat

NAAM: Cronjéboerdery

EIENAARSKAP: Maatskappy

VERTAKKINGS: Saaiery, braaihoenders, kommersiële beeste, skaapvoerkraal, veevoeraanleg en vervoerafdeling

GRONDTIPE: Van waaisand tot turf

VELDTIPE: Soetveld

GEMIDDELDE REËNVAL: 650 mm (afgelope vyf jaar: 500 mm)

KORTOM

■ ’n Vrystaatse boer het al op dele van sy plaas tot 32 t/ha mielies geoes, danksy die beste saadtegnologie en bepaalde boerderymetodes.

■ Daarom dink hy oeste kan eersdaags gereeld meer as 25 t/ha bedra.

■ Konsultasie, deurgaanse inspeksie van gewasse en blaarontledings speel ’n groot rol. As die stroper se opbrengsmonitor op dele van ’n mielieland tot 32 t/ha opskiet, dan weet jy jy het iets reg gedoen. Dan moet jy pro-beer om dit op die héle land reg te kry as jy nader aan die Amerikaanse boere se rekordopbrengste wil kom.

“Die gevoel is dat ons nie die nodige hitte-eenhede het om dit te realiseer nie, maar as dele van ’n land sulke groot opbrengste oplewer, kan dit tog nie die werklike beperking wees nie,” sê mnr. Christo Cronjé, wat in beheer van die Cronjé-familieboerdery van Vrede se saaiery is. Hy vertel van hul puik oeste die afgelope twee