Hier’s nog inspirasie!
3 forums
Wild Dog Adventure Riding
Dié avontuurmotorfietsforum met sy 25 000 lede is in 2006 gestig. Die Wild Dog-forum is die grootste van sy soort in Afrika en hier kan Suid-Afrikaners én oorsese besoekers gesels oor roetes wat hulle gery het, uitvind oor roetes wat hulle graag nog wil ry, hulle tegniese kennis met ander deel en sosiale byeenkomste beplan. Die forumnaam van die stigter is KiLRoy.
Adventure Rider
Hierdie internasionale avontuurmotorfietsforum word meestal deur Amerikaners besoek, maar hy’t ook talle lede uit ander lande. Die forum is in 2001 gestig en het tans meer as 350 000 bydraers. Maar ADVrider is nie net’n enorme forum nie – dit het gegroei tot’n medianetwerk vir resensies oor motorfietse, toerusting en avontuurtoere.
Horizons Unlimited
Die Kanadese egpaar Grant en Susan Johnson het in 1987 besluit om al hulle besittings te verkoop, waarna hulle 11 jaar lank die aardbol platgery het met hulle BMW R80 G/S. Met hulle terugkoms het hulle’n webblad en
