Geleenthede én eise vir vrugteverwerkers
Sagtevrugteboere wat ook vir die inmaak- en droëvrugtemark produseer, moet voortdurend daarna streef om meer te verbou en produksiekoste op elke moontlike manier in toom hou sonder om gehalte in te boet. Dié boodskap het op ’n onlangse inligtingsdag na vore gekom.
Me. Mariëtte Kotze, groepbedryfsbestuurder van Hortgro, het gewaarsku kostebestuur moet altyd voorrang kry by vrugteproduksie. “Verstaan en weet met wie jy internasionaal meeding, en hoe mededingend jy op die mark is.”
Sowat 75% van die ingemaakte en droëvrugte word uitgevoer.
Sy het gesê kernvrugte maak sowat 70% (38 245 ha) van die Suid-Afrikaanse sagtevrugteproduksie uit, en steenvrugte 30% (16 634 ha). Daarvan word 85% in die Wes-Kaap verbou, 13% in die Oos-Kaap, en
