Daadwerklike optrede nodig vir groei
In sy jongste vooruitskouing vir 2021 tot 2030 waarsku die buro vir voedsel- en landboubeleid (BFAP) dat net beperkte groei verwag kan word as alles op dieselfde trant as nou voortgaan. Indien voorstelle, soos vervat in 2012 se Nasionale Ontwikkelingsplan (NOP) en nou ook in die meesterplan vir die landbou en landbouverwerking, suksesvol tot uitvoering gebring kan word, kan dit die situasie drasties verander.
Onder só ’n scenario kan die totale bruto produksiewaarde met nog R32 miljard bó die verwagting styg en die produksie-aandeel van swart boere kan tot meer as 20% styg in die meeste van die bedrywe waarin transformasie traag vorder.
Die gesaghebbende verslag, wat pas bekend gemaak is, is ’n jaarlikse projek van die BFAP-direksie en ’n span van 21 lede. Dit word geborg deur
