DIETAMELETJIE VAN REËLS, REGULASIES EN INSPEKSIEDIENSTE
Enige sport kan net gespeel word indien daar reëls bestaan en alle spelers daaraan gehoor gee. Daarsonder sal chaos heers. ’n Onafhanklike skeidsregter is ook nodig om die reëls toe te pas en diegene te straf wat die reëls oortree.
Dieselfde geld ook die funksionering van die mark vir goedere en dienste. Sonder reëls wat bepaal waaraan produkte moet voldoen, sal die mark disfunksioneel wees en geen verhandeling plaasvind nie.
Die reëls dra inligting aan die betrokke partye oor, en as die reëls toegepas en gepolisieer word, weet almal wat die produk behels en het volledige inligting om ’n besluit oor die transaksie te neem.
Hierdie saak is veral ’n groot probleem waar die intrinsieke waarde (eienskappe) van ’n produk nie vooraf bloot op voorkoms beoordeel kan word nie. Dink aan die mark vir gebruikte trekkers of motors. Die voertuig lyk dikwels mooi van buite,
