Beter vleisgradering én diere met gevorderde tegnologie
Om aan die voorpunt te bly, moet die vleisbeesbedryf die jongste tegnologie en bestuursmetodes vir onder meer vleisgradering en genetiese vooruitgang benut.
Die objektiewe meting van karkasse speel ’n belangrike rol in die genetiese verbetering van vleisbeeste en kommersiële vleisverhandeling. Gevorderde kameras word gevolglik gebruik om eienskappe te meet wat nie objektief met die blote oog beoordeel kan word nie.
Sprekers van Japan, Australië en Duitsland het op ’n tegniese sessie van die internasionale Wagyu-kongres vertel hoe die ontwikkeling van nuwe stelsels vorder.
Prof. Keigo Kuchida van Meat Image Japan (MIJ) het reeds in 1989 sy eerste akademiese werk gepubliseer oor die gebruik van kamerabeelde om karkasgehalte te evalueer. Hy is al 20 jaar lank by die ontwikkeling van karkaskameras betrokke.
Die Wagyu-verenigings in Suid-Afrika en Australië het in 2018-’19 die MIJ- 30-kamera begin gebruik om Wagyukarkasse af te neem. MIJ het onlangs ’n selfoontoepassing gebou waarmee karkasse se gehalte geëvalueer word.
Volgens Kuchida het hulle
