JOU KEUSE: UITGESLUIT OF INGESPUIT
JA, DIS my burgerlike verantwoordelikheid om die entstof te kry om myself en die gemeenskap te beskerm. Nee, dis my eie besluit om dit te weier as ek wil.
So woed die gesprek oor die inenting teen die coronavirus steeds hier en ook elders in die wêreld terwyl die pandemie voortsleep.
Maar dit lyk of selfs diegene wat dalk teen die entstof gekant was daarmee vir lief moet neem – dis nou as jy vorentoe sekere restaurante, winkels of ondernemings wil besoek, na groot sportgeleenthede of musiekfeeste wil gaan, oorsee wil reis of selfs sekere werkplekke wil betree.
In ’n onlangse “familievergadering” het pres. Cyril Ramaphosa aangedui die regering se planne is in plek om aan landsburgers die sogenaamde inentingspaspoort uit te reik – ’n digitale bewys dat jy teen die coronavirus ingeënt is. Van verpligte inenting deur die regering is daar
