Basiese beginsels vir uitstekende voëlfot’s
Waarom spesifiek passie as ‘n belangrike aspek uitsonder? Wel, ek glo dis baie selde moontlik om sonder passie iets op ‘n uitstaande vlak te doen. Ek het ses uur lank met swaar toerusting geloop om uiteindelik – na meer as ‘n dekade – my eerste skoot van die skaars Pel se Visuil te kry. Sonder passie sou ek waarksynlik opgegee het!
In baie gevalle lei ’n belangstelling in voëlkyk mense tot fotografie, omdat ‘n foto dit makliker maak om later die voëls wat in die veld raakgesien is, te identifiseer. Hierna volg die strewe om ‘n foto van elke voël op jou voëllys te kry en daarna om die perfekte foto van elke voël te neem. Dit was presies hoe my fotografie reis ook begin het. ‘n Goeie voëlfoto is die sameloop van verskeie faktore: kwaliteit en rigting van die lig, komposisie, agtergrond, die regte kamera-stellings, die regte beligting, die omgewing en kennis van jou onderwerp.
Waar en wanneer?
Soos met meeste stokperdjies, is daar ook beter en slegter seisoene vir voëlkyk. Lente en somer, wanneer die jaarlikse aankoms van trekvoëlsoorte vir groot opwinding onder voëlkykers en fotograwe sorg, is beslis die beste tyd om jou voëllewe albums op te dateer en aan te vul. In die
