Kamp 101: noodsaaklike Kamptoerusting

Alhoewel ‘n kampreis heelwat voorbereiding en die regte basiese toerusting verg, hoef dit nie duur of ingewikkeld te wees nie. Met ‘n paar eenvoudige items en basiese kennis, kan jy goeie herinneringe maak wat jou vir jare bybly. Dit is belangrik om te onthou dat Rome nie in ‘n dag gebou is nie – om kampgereed te wees en te bly, is ‘n aaneenlopende proses en kampeerders is geneig om hul toerusting uit te brei en te verander soos wat hul ervaring opdoen. Maar, waarmee begin mens? Wat is die die belangrikste toerusting?

Maak jou tuis

‘n Tent is die belangrikste ding wat jy benodig. Dit is jou tuiste weg van die huis en jou enigste beskerming teen die elemente. Moet dus nie nie hier probeer geld spaar nie.

Tente kom in verskillende vorms, groottes en style, met verskillende mates van weerbeskerming en isolasie, soos gesien kan word in die verskeidenheid