Word een met die natuur
Blomme, herfsblare, bome en bas, rotse en rotsformasies, mosgroeisels, spinnerakke, saadpeule, skulpe, sampioene, songebleikte beendere, dryfhout en selfs voetspore kan alles in jou volgende fotografiese meesterstuk omskep word. Dit is waarom ek altyd my toerusting saamdra, waar ek ook al gaan – jy weet nooit wanneer die natuur daardie volgende kunswerk sal inspireer nie!
Blome en blare
Blomme en blare is een van my gunsteling voorwerpe om te fotografeer aangesien dit oral en altyd beskikbaar is. In Suid-Afrika is ons geseënd met baie seisoenale wilde blomme wat skouspelagtige natuurtonele bied. En kán ons land pronk as dit by blomme kom! Ons het die natuurlike verskynsel wat die Weskus gedurende Augustus en September in ‘n skouspelagtige blombedding verander. Kosmos omhul die paaie in en om Gauteng en Mpumalanga vroegherfs in skoonheid
