Waar sit ’n bok se handvatsel?
Nee toemaar, jy sal verniet soek, want as daar nou een ding is waarvoor ’n dier nie ontwerp is nie, is dit om gedra te word. Gaan probeer net om vir ou Wagter ’n ent te dra. Jy sal gou agterkom ’n slap sak vleis en bene het nie vatplek nie, tensy dit klein genoeg is om in jou arm te dra. Al dier wat maklik dra, is ’n honger luislang, want hy hou self vas.
Daar moet seker manne wees wat nog nooit bok gedra het nie.
