Hoe lui die gesegde? “As jy nog nie geval het nie, kan jy nie fietsry nie.” Ja, medejagters, só kan ons ook sê: “As jy nog nie gekwes het nie, het jy nie gejag nie.” Vir die 4x4-entoesiaste geld dieselfde: As jy nog nie vasgesit het nie, het jy nog nie werklik veldry beoefen nie.
In hierdie artikel kyk ons na herwinning en die toerusting wat dit effens makliker gaan maak om uit ’n vassit-situasie te kom.
Dit is belangrik om te weet waar jou voertuig se herwinningspunte is. Gewoonlik word dit op die sterkste punt van jou voertuig se onderstel gepas. Moet nooit sleepbande en -toue aan asse, die stuur of suspensie