Mielie-opbrengs beïndruk in Groei vir Goud
Die Groei vir Goudkompetisie lok jaarliks groot belangstelling en is ’n gulde geleentheid vir boere om hul landboukennis uit te brei en by topboere te leer.
Die kompetisie het vanjaar weer hoëgehalte-inskrywings opgelewer. Die boere oor wie hieronder geskryf word, is die wenners van die onderskeie afdelings.
Mielieboere het in die volgende afdelings meegeding: besproeiing, watertafel, oostelike Hoëveld, sentrale produksiestreek, Noordwes, Oos-Vrystaat en KwaZulu-Natal.
WATERTAFEL
MNRE. KOBUS EN NEELS EKSTEEN boer by Hoopstad, Vrystaat, op die plaas Lapbosch. P2927 WYR van Pioneer het vir hulle ’n opbrengs van 13,1321 t/ha gelewer.
Neels en Kobus is broers. Kobus boer al van 1997 af saam met hul pa. Neels het in 2013 plaas toe gekom en hulle boer van 2013 saam.
“Die Pioneer-kultivar kom goed op en veroorsaak ook nie graadprobleme nie. P2927 WYR het ook ’n goeie staanvermoë, en sy opbrengs in die meer sanderige gronde is meer konstant,” sê Neels.
Hulle het aangeplant van 18 November tot 14 Desember met ’n ses-ry- John Deere 1750 MaxEmerge-vingerplanter. Hulle het van 17 Mei tot 12 Julie gestroop met ’n Case 2388 Extreme-stroper.
Die broers gebruik Westfert Hoopstad se kunsmis met ’n samestelling van 118 stikstof, 28 fosfor, 18 kalium, 1,2 sink en 8% swael
