Beter wins, dog stadiger groei word verwag

Hoë voerpryse wêreldwyd het plaaslike melkboere vanjaar in ’n nóg stywer kosteknyptang gedruk. Die buro vir voedsel- en landboubeleid (BFAP) verwag dat, ondanks onsekerheid op kort termyn oor wêreldvoergraanproduksie, die melk-tot-voerprysverhouding vanjaar sy laagtepunt sal bereik.

GRAFIEK 1 toon hoe die verhouding na verwagting volgende jaar sal verbeter, en in die daaropvolgende jare (tot 2030) ’n ekwilibrium sal bereik waar dit beter sal wees as die afgelope drie jaar, maar nie so goed soos in 2017 nie.

“Dit dui daarop dat produksiegroei ondersteun sal word deur verbeterde plaasekonomie, relatief tot die onlangse verlede,” luidens die verslag.

Mnr. Bertus van Heerden, hoofekonoom by die Melkprodusente-organisasie