WEER WORD ÁL AKKURATER VOORSPEL
Boere meen dat weervoorspellings in onlangse jare verbeter het.
Die besonder akkurate windvoorspellings wat deesdae beskikbaar is, haal ook die raai uit plant- en spuittyd en maak dié aktiwiteite aansienlik doeltreffender en minder riskant.
Die akkuraatheid van reën- en windvoorspellings kan ’n groot uitwerking op sy boerdery hê, sê mnr. Danie Minnaar (regs) van die plaas Springboklaagte tussen Kroonstad en Welkom in die Vrystaat. Hy boer met mielies, sojabone, beeste, skape en wild.
“Wat die saaiery betref, het ons weervoorspellings om te weet dit sal binne tien dae nadat ons onkruiddoder gespuit het, kom reën om die spuitstof in die grond te was. Wat sleg is, is as reën voorspel word, jy spuit en die reën kom nie.”
Langtermynreënvoorspellings is nog nie akkuraat genoeg nie, maar die korttermynvoorspellings raak ál beter. “Beter as vyf of agt of tien jaar gelede, ja, hulle is beter. Ek het nie twyfel daaroor nie.”
Minnaar se ondervinding is dat langtermynvoorspellings 50-60% akkuraat is. “Die drie-tot-vier-dae-voorspellings is baie akkurater. As ek sê daar is ’n 70%-kans
