Koekies vir die vakansie
PEKANNEUTSNEEUKOEKIES
Die ander naam vir hierdie koekies is Mexikaanse troukoekies. Dit is vir my van die lekkerste kleinkoekies. Ek het die tradisionele resep ’n bietjie makliker gemaak. Maak die pekanneute goed fyn – ’n voedselverwerker werk lekker hiervoor – dan hou die koekies mooi hul vorm.
■ 230 g sagte botter
■ 125 ml versiersuiker
■ 5 ml vanieljegeursel
■ 560 ml koekmeel
■ 180 ml goed fyngekapte pekanneute
■ 250 ml ekstra versiersuiker, gesif
Verroom die botter en versiersuiker goed saam tot lig en romerig. Voeg die vanieljegeursel by en klits goed. Voeg nou die meel bietjie vir bietjie by en meng tot goed gemeng. Voeg die pekanneute by en meng tot ’n ferm
