Ek gesels eendag met ’n kunstenaar wie langs die Weskus grootgeword het en baie van haar grootmensjare hier gebly het. Die see, wind en sand het mettertyd een te veel vir haar geword, en sy trek binneland toe. Maar skaars ’n jaar later hoor ek sy bly weer op St. Helenabaai.
Wat ook al die Weskus vir jou beteken – ’n branderryparadys, oerlandskappe vol fossiele en geskiedenis, ’n stil wegkruipplek, of huis – dit lyk asof die see, sand en wind aan ’n mens bly kleef. Op ’n goeie manier.
Wyk dié somer uit na een van dié unieke naweekplekkies en val in by die ritme van die getye. Glo my: Of die branders nou reg voor jou drumpel of doer op die horison breek, hulle gaan jou sus en skoonspoel.
LAMBERTSBAAI
Steenbokfontein-seeplaas
Steenbokfontein is ’n groot aartappelplaas wat aan die strand grens suid van die vissersdorpie Lambertsbaai. Die Burger-familie boer al ses generasies op dié grond, en die huidige Burger-boer aan stuur van sake is Albert en sy vrou, Carol.
Carol het my omtrent met plaaslike bederfgoed oorlaai! As ek weer sien, hou haar 4x4 voor die
