Verlaag koste van kunsmis só
Kunsmispryse het die afgelope maande die hoogte ingeskiet. Deur bedag te wees op hoe grondmonsters geneem en ontleed, en die data geïnterpreteer word, kan heelwat aan kunsmiskoste bespaar word. Duur spesialiteitsprodukte is ook nie altyd die antwoord nie.
GRAFIEK 1 toon dat die prys van ’n produk soos MAP, wat algemeen gebruik word, bykans verdubbel het sedert 2019. Met dié dat die meeste kunsmis wat in Suid-Afrika gebruik word, ingevoer word, weerspieël die prysneigings plaaslike boere se kwesbaarheid vir internasionale markneigings, asook skommelings in die wisselkoers.
Kunsmiskoste is ’n groot deel van die produksiekoste van die meeste boerderye. Die onlangse prysstygings beklemtoon die belangrikheid daarvan om die produkte so doeltreffend moontlik aan te wend. Is daar ruimte vir verbetering? By die meeste boerderye – beslis ja! Ondervinding het getoon:
■ Kunsmis word dikwels toegedien op grond wat reeds voldoende of oortollige vlakke van die voedingstowwe wat in die
