Droogte stuur Namibiërs in nuwe rigting
As die nood druk, maak ’n boer ’n plan. En as die droogte wurg, maak jy twee om die wa deur die verdorde drif te help.
Die hele aard van mnr. Jasper Blaauw en sy vrou, Marisa, se boerdery op die plaas Appelbaar by Summer-down, sowat 200 km noordoos van Windhoek, sien nou anders daaruit. Dié eens bekroonde meesterakkerbouer en grondboonkoning moes die saaiery grootliks laat vaar. Meganiese windpompwerk is nou ’n lonende vertakking, soveel so dat hy deesdae daarvan droom om sy eie windpomp te ontwerp. Om alles te kroon kon hy sy skaapboerdery met 350% uitbrei.
Jasper het in die distrik grootgeword en
