BETROKKENES HOOPVOL OOR VRUGTEBEDRYF
Ná ’n lekker koue, nat winter in die meeste vrugteproduksiestreke, is vrugteboere vol hoop op ’n goeie seisoen.
Die bedryf maak hom reg om 15 miljoen tot 16,5 miljoen kartonhouers vrugte (gemiddeld 5,25 kg per houer) uit te voer.
“Na gelang van hoe die seisoen verloop, lyk dit na dieselfde grootte oes as verlede jaar, met ’n 8%-toename aan die bopunt (van die mark),” luidens ’n Hortgro-verklaring.
Die organisasie meen normaliteit het teruggekeer ná die droogte.
“Dit was ’n goeie winter, die lente was koel en die somer traag om te begin, maar ons sien uit na ’n goeie oes reg oor alle steenvrugtipes – mits die weer saamspeel,” volgens mnr. Jacques du Preez, hoofbestuurder van handel en markte by Hortgro.
Dieselfde geld tafeldruiwe, kersies en inmaakvrugte. Hoewel dit nog te vroeg is om te bespiegel oor produkte soos appels en sitrus, beskaam die hoop nie.
Hortgro voorspel sowat 3% meer pruime (altesaam 15,7 miljoen kartonhouers van 5,25 kg) as verlede jaar gaan uitgevoer word. Veral die vroeë en midseisoenkultivars is belowend.
Nektarienuitvoer kan met 13% tot bykans 7,4 miljoen kartonhouers (2,5 kg elk) styg.
“Dié styging is danksy jong boorde wat in produksie kom, asook nuwe kultivars met beter opbrengste. Boorde met dessertperskes het die afgelope jare afgeneem,” sê Du Preez.
Die kultivar Alpine se volume
