VELE PLANNE VIR KLIMAATSLIM BOERDERY
In sekere kringe word die landbou as die bose aandrywer van klimaatsverandering voorgehou deur die kweekhuisgasse wat herkouervertering, stikstofbemesting en grondbewerking vrystel.
Die landbou dra wel tot verwarming by, maar deur dit die sondaar te maak, word die globale fossielbrandstofbedryf, die werklike groot besoedelaar waarvan die weë net op nasionale en globale vlak verander kan word, van blaam onthef.
Dit is veral diereproduksie wat onder skoot kom. Op die onlangse Cop26-beraad in Glasgow is die vrystelling van metaan deur koeie getakel met die ondertekening van ’n globale metaanonderneming. Die doel daarvan is om die vrystelling van metaan teen 2030 met 30% te verlaag.
Dit is egter produktiewer om te praat oor praktyke wat die landbou reeds toepas om die uitwerking van klimaatsverandering te versag of by ’n veranderende klimaat aan te pas.
Die plaaslike voorbeelde kan as inspirasie vir ’n omgewingsvriendeliker landbou in 2022 en verder dien. Kundiges sê wat werk en waar die haakplekke is.
LAAT GESONDE GROND VIR JOU WERK
Een van die beste maniere om die aanslae
