LAAT DIT TOETS
Baie mense aanvaar dit as vanself-sprekend om goed te kan sien en te kan hoor. Die meeste mense begin eers hiermee sukkel wanneer hulle ouer word en aanvaar dit as deel van die proses van die lewe.
Tog is daar talle kinders wat sukkel met hul ore en oë terwyl hul ouers gewoonlik salig onbewus is daarvan.
“My dogtertjie was vier toe sy met net 20% sig in haar linkeroog gediagnoseer is tydens ’n roetine-oogondersoek by die kleuterskool,” vertel Anneschka Bruwer (38) van Kaapstad.
“Ek het maar altyd gedink sy is net ’n bietjie lomp, want sy is baie vallerig.
