Die Sandveld roep!
As jy graag saam met familie of vriende kamp, kan jy gerus die naam Sonwyserskop op jou lysie neerskryf. Dié kampplek is geleë op die plaas Keurbosch buite Piketberg en behoort aan Kokkie en Jo-Anni Coetzee. Kokkie-hulle boer met druiwe, sitrus en beeste, en die kampterrein is die jongste toevoeging op die plaas.
Aanvanklik was die gedagte om die kampplek in te rig vir die Coetzee-familie sodat hulle ’n groot saamtrek kon hou. Daarna het Kokkie-hulle besluit om die geriewe oop te stel vir die publiek.
Op dié deel van die plaas was daar al gevestigde bome soos olienhout- en geelhoutbome, en die 20 staanplekke (met 10 kragpunte,
