![wegza2202_article_066_01_02](https://article-imgs.scribdassets.com/11g69d1l34aj0moq/images/file5937UN1J.jpg)
![wegza2202_article_066_01_01](https://article-imgs.scribdassets.com/11g69d1l34aj0moq/images/fileM8IN40GZ.jpg)
NICK MATHIOS
IG: @nickm807
Canon EOS 550D
Canon 100--00 mm-lens
NICK SKRYF: Hierdie foto is geneem uit my gunsteling-voëlskuiling by Lake Panic in die Krugerwildtuin. ’n Visarend het ’n vis gevang en net sy ete geniet toe ’n reusereier sy kos wil dêps. Nodeloos om te sê het algehele panic gevolg, so ook onder die fotograwe in die skuiling.
Die twee groot voëls het elkeen sy vlerke gesprei om krag te vertoon en mekaar die stryd aangesê. Die onderonsie het ongeveer twee minute geduur.
My kamera was op Sport Mode, en ek het ’n sluiterspoed van 1/400ste van ’n sekonde, lensopening van f5.6 en ISO van 200 gebruik.
TOAST SÊ: ’n Visarend en ’n reusereier boks in die swaargewigliga as dit kom by voëls wat gewoonlik naby water hou.
Nick se foto illustreer tipiese voëlgedrag: Sprei jou vlerke en pof jou bors om die teenstander te intimideer. Dis ’n gelukskoot waarmee hy albei voëls se gesigte kon vasvang, al word die reier se gesig net van die kant af gesien. Dit lyk asof die visarend wil sê: ‘Nooit, Boet!’