![f0068-01](https://article-imgs.scribdassets.com/18lcjlnreoaas3pd/images/file6SND5VL9.jpg)
![f0069-01](https://article-imgs.scribdassets.com/18lcjlnreoaas3pd/images/fileUGHTIO9E.jpg)
Speel met vuur
Wat ook al die vraag, vir meeste Suid-Afrikaners is braai die antwoord! Selfs wanneer jy nie kamp nie en net by vriende kuier, vier ons die geleentheid deur te braai of ten minste ‘n gesellige vuurtjie aan te steek. Om hierdie oomblikke vas te vang, moet jy jou kamera op ‘n boontjiesakkie of driepoot stabiliseer en dan jou kamerastellings aanpas. Ek gebruik die lewendige beeld opsie (oftewel live view) om die presiese lig te kry wat ek in die beeld wil hê.
Om die vreemde krulle en kronkels wat die los tonge van die vlamme in die lug maak te vries, het jy ‘n vinnige sluiterspoed van ongeveer 1/1000s nodig. ‘n Wye lensopending (rondom F/4) en ‘n hoë ISO (sowat 2000) sal vir die vinnige sluiterspoed kompenseer. Hiervoor stel ek my kamera op ‘n hoë deurlopende skietmodus en neem sarsies van tien foto’s op ‘n slag, wat beteken dat elke foto anders sal lyk.
As jy die vlamme in surrealistiese beweging wil vasvang, sal die sluiterspoed moet verlaag na ongeveer 4 sekondes. Dit sal baie lig inlaat sodat jy kan besluit of jy