Ons gaan tuin toe
LESERSTUIN
Vriendelik en vrygewig soos ’n boeremark
Nadat die tuinmaakgogga Dorothée Dehon net buite die Belgiese hoofstad gebyt het, het sy binne ses jaar op ’n plaas in die Vrystaat ’n natuurvriendelike groentelushof kom vestig. Sy vertel vir Maja Palm hoe dit gebeur het.
Dorothée was ’n régte stadsjapie. “Ek het in Brussel grootgeword, en ek en my man, Damien Huyberechts, het op ’n dorpie net buite die stad gewoon. Ons het al hoe ongemakliker begin word omdat ons eintlik niks weet oor die kos wat ons koop nie: Waar kom dit vandaan?
