OORLOG OM DIE PARFUMEUR
‘HY HET ALLES GEDOEN OM VAN MY ONTSLAE TE RAAK’
DIE uitsig vanuit Jean-Paul Guerlain se kombuis is idillies. Deur ’n groot venster kan ’n mens kyk hoe die perde in die winterson in die oorkantse veldjie wei.
Perde is ’n lewenslange liefde van die 85-jarige wat die laaste familiehoof is van Guerlain, ’n Franse parfuum-, skoonheidsmiddel- en velsorghuis wat in 1828 gestig is, vandag een van die oudstes ter wêreld is en steeds floreer as deel van die luukse LVMH-skoonheidsryk.
Jean-Paul, die persoon wat die ikoniese geure Chamade, Jardins de Bagatelle, Samsara en Habit Rouge ontwikkel het, was ook in die 1970’s ’n internasionale dressuurmededinger. La Vallée, sy spoggerige maar vervalle landgoed by Les Mesnuls, is vol perdeherinneringe.
’n Elegante perderuiter, Christina Kragh Michelsen, Jean-Paul se metgesel van meer as 15 jaar, is oral op skilderye en foto’s te sien.
Die vreedsame toneel by La Vallée is egter misleidend; die Deens gebore Christina is in die middel van ’n bitter vete wat haar teen Stéphane, die parfumeur se enigste seun, te staan laat kom.
Ek is by die groot 19de-eeuse geboue in die Anglo-Normandiese styl om haar storie te hoor.
Christina, in ’n perdry- uitrusting, groet my opgewek in Engels en wys my rond op die vervalle terrein nadat ons gekyk het hoe Jean-Paul per motor na sy doktersafspraak weggebring word.
Ná ’n dosyn hofsake oor byna ’n dekade is
