MY VERNEDER EN VERNIETIG
SIEN jy hom hier voor jou, verklap net mooi niks iets van die verwoede storms wat hy in die laaste weke moes trotseer nie. Daar’s geen tekens van die afgelope tyd se angsnagte nie – nie eens die geringste aanduiding dat hy al weke lank ontroosbaar huil nie
Trouens, hier waar die gewilde Glam Guru nou in ’n gemaklike kantoorstoel gaan sit, lyk alles nog nes dit altyd het: Sy kraakwit knopieshemp het nie ’n enkele kreukel in nie, sy donker hare is perfek gestileer, sy vel is vlekkeloos. Maar ’n volmaakte voorkoms kan baie seer versteek.
Vra maar vir Hannon Bothma; hy weet tog hoe om ’n voorkoms te timmer tot dit hartseer verbloem – dit was net nog nooit tevore sy eie nie. “Ek wou nie hê mense moes van my pyn weet nie,” sê Hannon, en hy glimlag nou vir die eerste keer wrang. “Ek het die angs waardeur ek die afgelope ruk is, probeer wegsteek. As ’n mens beter lyk, voel jy beter.”
‘EK HET HOM GEKONFRONTEER EN HY’T OOR DIE MAN IN ONS HUIS GEBIEG. EK WAS STUKKEND. EK HET IN MY LEWE NOG NOOIT VIR ’N ANDER MAN GEKYK NIE’
Dis meestal waar, maar nie vandag nie. Veral nie vir hom nie. Die waarheid is hy is verpletter, sê Hannon. En g’n grimeerkwas of uitrusting kan sy droefheid wegtoor nie. Sy lewe, sê hy, het in ’n donker nagmerrie ontaard sedert hy en sy man, Julius Swart, in Februarie bekendgemaak het hulle gaan skei. “Dertig jaar …” prewel hy, en sy stem kraak. “Dis hoe lank ons saam was. Drie dekades.”
You’re reading a preview, subscribe to read more.
Start your free 30 days