AGTER AL DIE DRAMA
NÁ DIE dood in 1997 van Diana, prinses van Wallis, het ’n erg geskokte koninklike familie hul bes gedoen om saaiheid te aanvaar – byna soos iemand wat ná ’n affair met ’n beeldskone maar onstabiele minnares na die huweliksbed terugkeer.
Tina sê die koningin het dit duidelik gemaak “dit” kon nooit weer gebeur nie.
“Die ‘dit’ was Diana se ontsettende roem; die probleem van die monargie wat oorskadu word deur iemand anders as die koningin of die troonopvolger. Die refrein wat by die paleis herhaal is, was: ‘Ons wil nie nog ’n Diana hê nie. Nooit weer nie!’
So hoe het dié “nooit weer nie” toe uitgewerk? Dis my eerste vraag aan Tina, wat ’n kwarteeu ná Diana se dood weer die onderwerp van die monargie aanroer in haar nuwe boek, The Palace Papers: Inside the House of Windsor – the Truth and the Turmoil.
Sy het twee jaar lank aan dié boek gewerk en onderhoude gevoer met 120 mense wat nou by senior koninklikes en hul huishoudings betrokke is.
Dit was ’n ietwat uitdagende jaar vir die koninklikes, antwoord Tina droogweg.
Die hertog en hertogin van Cambridge, William en Kate, het onlangs teruggekeer van ’n toer deur die Karibiese streek. Maar iets wat
