Groen laat ons glimlag
In die begin was daar die Tuin van Eden – die simboliese plek van perfekte harmonie, waar totale geluk heers.
By die mens is daar ’n blywende hunkering, ’n nostalgie na Eden en alles wat dit verteenwoordig. Hartseer dus in watter mate ons vandag, vanweë verstedeliking en industrialisasie, van die natuurlike wêreld vervreemd is. Tot nadeel nie net van ons fisieke en emosionele welstand nie, maar ook van die hele natuurlike ekostelsel.
Nou, terwyl ons lang ure binnenshuis voor skerms vasgekluister sit, raak ons al hoe meer bewus van ’n verlies. Daar word selfs gepraat van ’n “natuurtekort-versteuring”. Dis nie ’n mediese diagnose nie, maar ’n nuttige term om te beskryf watter nadele hierdie vervreemding van die natuur vir ons inhou: Ons gebruik ons sintuie minder, ons het probleme met aandagspan, meer fisieke en emosionele kwale en bysiendheid (miopie) neem toe.
PANDEMIE ’N WEKROEP
Ons boorlinge van die betonoerwoud
