ABUSE KNAK BEJAARDES
![f0044-01](https://article-imgs.scribdassets.com/5wmro9xw749xswzs/images/fileVEZJW847.jpg)
Vreesbevange sluit 'n 83-jarige weduwee haarself in haar slaapkamer toe om te ontsnap van die verbale mishandeling en intimidasie van haar 25 jaar oue kleinseun met wie sy 'n huis deel. In 'n ander huis word 'n 75-jarige man sy stiefseun se slaansak wanneer die ou man nie sy karige pensioengeldjie aan hom wil oorhandig nie…
Hierdie is skokkende ware gevalle van twee bejaardes in KwaZulu-Natal, en ongelukkig ook 'n realiteit wat hom elke dag in baie ander huise in Suid-Afrika afspeel.
Bejaardes - die struktuur van ons samelewing wat die fondasie van gemeenskappe is - word daagliks fisies, seksueel, emosioneel en finansieel mishandel en is die slagoffers van gewetenlose uitbuiters en misdadigers. Wat egter hartseer is, is dat baie van die gevalle nooit aangemeld word nie. En nóg meer hartverskeurend is dat mense wat dit raaksien, dit onder die mat vee of nie 'n hand lig om te help nie.
Volgens die Wes-Kaapse departement van maatskaplike ontwikkeling vind die mishandeling van bejaardes plaas in hul eie huise, terwyl hulle by familie woon én by instansies wat verantwoordelik is vir hul welstand.
LELIK MET OUMA
Iemand wat kan getuig van hoe sy deurloop onder mishandeling deur haar eie familie, is Martha Willemse* (73) van Malmesbury in die Wes-Kaap. Sy woon vir die afgelope jaar by haar oudste seun en sy vrou.
Martha het drie seuns van onderskeidelik 40, 35 en 29, en ná haar egskeiding het sy haar eie potjie gekrap. Op haar karige staatspensioen is
You’re reading a preview, subscribe to read more.
Start your free 30 days