GRIEP OF COVID?
Verkoue, griep en borskwale kom algemeen voor in die kouer maande. Mense spandeer meer tyd binnenshuis wat beteken dié tipe virusse versprei maklik van een mens na 'n ander. As jy hoes en nies, hoe weet jy of jy 'n verkoue, griep of iets ernstiger het? En wat van mense wat Covid-19 gehad het en nou griep kry? Sal hulle ernstiger siek word as iemand wat nooit Covid gehad het nie?
Die dra van maskers, gereelde ontsmetting en fisiese afstand het griep en verkoue min of meer in toom gehou die afgelope twee jaar. Vanjaar lyk dinge egter 'n bietjie anders. Met dié dat ons nie meer maskers hoef te dra of ons te steur aan ander Covid-regulasies nie meen kenners dat griep en verkoue vanjaar erger gaan
