Daar anderkant die blou berge
Die naam Overberg het oorspronklik verwys na die onbekende binneland agter die Hottentots-Hollandberg wat die oostelike uitbreiding van Jan van Riebeeck se nedersetting gestuit het. Mettertyd is ’n pad deur die bergreeks gevind en die vae Nederlandse definisie van “over het berg” moes verander, want anderkant die Overberg het nóg berge gewag.
Die Overberg-distrik se grense is tot vandag toe vaag, maar daar word algemeen aanvaar dit is die golwende vlakte tussen die Riviersonderend- en Langeberg in die noorde en die see in die suide, met sy westelike grens die Hottentots-Hollandberg en sy oostelike grens óf die Breë- óf die Gouritsrivier 100 km verder ooswaarts.
Hoe ook al, hier is ’n kronkelroete wat jou goed vertroud gaan maak met die vrugbare landboustreek anderkant die berg.
Jou roete begin by die Peregrine-padstal op die N2, sowat 70 km van die Kasteel in Kaapstad af. Hier kan jy heerlike pasteie, souttert, varsgebakte brood en wyn uit die omgewing koop vir jou reis wat voorlê. Én van die heerlikste vars appelsap wat jy jou kan voorstel.
Verlaat die padstal se parkeerterrein en steek die bedrywige N2 oor, in die rigting van Grabouw, ’n dorp wat veral bekend is vir sy appelboorde. Draai dan 1 km verder, nog voor jy Grabouw binnery, regs op die R321, die Villiersdorppad.
Die streek waar die appelbome vandag so geil groei, met sy plaasdamme vol waterblommetjies en opstalle met Kaaps-Hollandse gewels...
Die appel- en peerboorde rondom jou is grootliks te danke aan ene Antonie Viljoen wat ná die Anglo-Boereoorlog met appels begin boer het. Antonie se vrugte was van uitstaande gehalte – die beste in die ganse Kaapkolonie – en ander boere in die omgewing het sy voorbeeld naderhand begin volg.
Die streek waar die appelbome vandag so geil groei, met sy plaasdamme vol waterblommetjies en
