AANHOUER WEN
TWEEDE kanse kry jy selde, en dié keer was hy vasbeslote dat niks hom sou stuit nie. Brandwonde, hongerpyne, slapelose nagte in gietende reën en koue … Bring dit!
Hierdie keer het hy die vasbyt en uitgeslapenheid gehad om ’n skatkis vol geld onder sy mededingers se neuse weg te raap. Omdat hy nie sy tweede kans verspeel het nie, is Dino Paulo – die wenner van Survivor South Africa: Return of the Outcasts – vandag R2 miljoen ryker.
“Ek was vir ’n rede gevra om weer deel te neem,” vertel Dino (32) oor die tweede keer dat hy aan die kompetisiereeks deelneem. “Iemand in die produksiespan het in my geglo en geweet dit sou goed
