![f0046-01](https://article-imgs.scribdassets.com/6jxrfj6irkaas3gt/images/file4TKLEDRJ.jpg)
Wildstropery is ‘n krisis in Suid-Afrika. Ongelukkig dink meeste mense aan stropery in groter terme, soos renosters, olifante, ietermagô’s en ander meer eksotiese diere wat gewoonlik vir die Asiatiese mark bestem is. Alledaagse onwettige bosvleisen muti-stropery is egter iets wat reg onder ons neuse gebeur, waarvan Jan Alleman nie bewus is nie. In die veldjie naby jou huis, by die spruit waar jy graag bergfietsry, in die oop grond op die aangrensende erf of die onbewoonde erf ‘n paar huise verder in die straat af. Dit is nie net wilde diere soos duikers, wilde hase en ander klein wildsbokke wat slagoffers word nie. Strikke is ook die onoordeelkundige moordenaar van troeteldiere (ja, hier praat ek van huiskatte en honde).
Maar soos die spreekwoord lui: slegte dinge gebeur wanneer goeie mense niks doen nie. En met hierdie in gedagte, is die konsep van ‘n Bush Babes K9 Strikverwyderingsgeleentheid gebore as ‘n geleentheid vir gewone vroue uit alle vlakke van die samelewing om iets aan stropery te doen. Soos met elke Bush Babes-inisiatief – en nóg meer so met ons eerste-in-sy-soort-avonture soos hierdie een – was dit noodsaaklik om die regte mense te vind om mee saam te werk.
Reinette van Niekerk, wat al vir tien jaar lank ons “wildeperd-mens” in Kaapsehoop en