![f0018-01](https://article-imgs.scribdassets.com/2kas6vnmpsaarxvr/images/fileCCZ28Q8T.jpg)
Ek het ‘n probleem. ‘n Groot probleem! En dit is alles Kevin Louw se skuld! En sy wit Toyota FJ Cruiser het natuurlik ook baie daarmee te doen. Eintlik is dit ‘n wonderlike storie om te vertel. Dit is ‘n verhaal oor gesinspret en -speletjies in die golwende wit sandduine van Atlantis, sowat 45 minute vanaf Kaapstad. Dit handel oor ‘n geleentheid wat ek glo gaan ‘n hoogtepunt op avonturiers in die Moederstad se kalender word – die RAW 4x4 Atlantis Pretdag.
Maar ek sukkel om hierdie storie te skryf. Ek het ‘n skrywersblok op steroïede. En dis alles Kevin Louw se skuld! Jy sien, hy is die een wat my in die vierwielaangedrewe YouTube-spiraal (www.4wd247.com) laat verdwyn het… Maar wag, laat ek verduidelik.
Ek is gevra om Atlantis-dag vir Avontuur Afrika te dek. Ek het Dries du Toit, wat in beheer is van sake-ontwikkeling vir die RAW 4x4-handelsmerk,