Om in die digitale era met digitale kameras te leef, moet ons aanvaar dat na-verwerking deel van die kreatiewe proses van hedendaagse fotografie is. Natuurlik is die doel steeds om die beste moontlike foto in die veld te neem en slegs geringe verbeteringe aan die beelde tydens redigering aan te bring. Dit is nie iets waarvan elke fotograaf hou nie, maar vir my is dit bloot deel van die proses en dis belangrik om na-verwerking baas te raak sodat jy kan tred hou met vandag se artistieke en tegnologiese standaarde.
Die sagteware wat jy gebruik is ‘n persoonlike keuse en met die vele opsies beskikbaar – van gratis intreevlak tot professionele redigeringsagteware – sal daar wel ‘n pakket wees wat aan jou behoeftes voldoen. Ek gebruik hoofsaaklik Photoshop vir my fotografie en grafiese ontwerp, maar het aan die begin Lightroom gebruik – en val
