Die afgelope jaar of drie gewaar ’n mens oral kokedamas wat soos groen planete in die lug sweef of op dekoratiewe borde, bakke, staanders of klippe ten toon gestel word. ’n Kokedama – “koke” beteken mos en “dama” is bol – is basies ’n bol grond wat met mos bedek is en waarin ’n ornamentele plant groei. Op die internet beskryf ’n klakous dit as “spykerhakke vir plante”: Dit lyk beeldskoon, maar is erg ongemaklik en op die lang duur ongesond!
