Dit voel soos gister toe Eskom Suid-Afrikaners die eerste keer “mooi gevra” het om minder elektrisiteit te gebruik, maar in der waarheid was dit al in 2007. Die nasie “wou nie luister nie”, en ons het kennis gemaak met iets wat ons almal raak en waarvoor ons nie eens ’n woord gehad het nie: beurtkrag.
Gelukkig het die wêreld min of meer bygehou, en vandag kan ’n mens jou huishouding teen beurtkrag pantser met enigiets van herlaaibare ligte, rugsteunbatterystelsels, petrolaangedrewekragopwekkers, sonpanele, eningeboude batterye en kragomsetters. Die pryse wissel natuurlik: van rondom R100 vir ’n gloeilamp wat self herlaai en darem lig sal gee wanneer jy badkamer toe wil gaan, tot meer as R200000 vir ’n stelsel wat jou sal laat voel soos ’n kabinetsminister wat nog net van loadshedding gehoor het.
Ons bekyk later al dié verskillende opsies, maar die fokus van hierdie artikel is ’n kompakte kragboks wat jy self kan bou met onderdele wat relatief bekostigbaar en maklik bekombaar is, en wat die meeste tuiskantore aan die gang kan hou vir jou beurt sonder krag: die wifi-roeteerder (ja, jy’t internet!), ’n skootrekenaar of twee en dalk ’n selfoon of Fitbit wat ’n bietjie asem kort. Jy kan ook saans met ’n geruste hart gaan slaap, want hierdie boks sal jou huisalarmononderbrokelaat diens doen. Ja, jy kan selfs Netflix kyk.
Ons wys jou stap vir stap hoe om so ’n boks te bou.
Kry alles reg
INKOPIELYS
□ ’n plastiek-ammunisiekis met ’n hoë deksel (R300 by Outdoor Warehouse)□ ’n 1000W-omsetter (Takealot verkoop die Gamistar wat ons gebruik, teen sowat R1000. Die voordeel van dié model is dat hy toegerus is met die soort driepuntsokke wat standaard is in Suid-Afrika. Baie van die ander op die mark het Europese of Amerikaanse sokke, en dan het jy ’n ekstra passtuk nodig.)□ 2 luggatsiffies vir kombuiskaste (die meeste ysterwarewinkels het hulle in verskillende kleure – ons het ons s’n by Gelmar gekoop teen R2 stuk.)□ 8 skroefies van 4 x 4,6 mm□ ’n gewone□ ’n muurpropkissie waarin die muurprop pas – die soort wat normaalweg in die muur vasgebou word (± R20)□ ’n driepuntkragprop (± R30) elektriese koord van sowat 65cm (R20) ’n slimlaaier vir ’n 12V-battery met ’n minimum-kraguitset van 3,5A (ons het dié C3-laaier van Bosch op Takealot gekry vir R880)□ alkantkleefband□ ’n 100Ah-diepsiklusbattery (R2500-R11000 – Battery Centre se takke landwyd verkoop ’n First National-battery teen R2 550) – lees ook ons raad oor batterye op bl. 104□ ’n batterymeter (ons het dié enetjie van Lumeno ook by Outdoor Warehouse gekoop teen R300)□ ± 30cm swart-en-rooi 1,5mm-“Twinflex”-draad□ 2 kontakringetjies (10mm)□ 2 oorskuifkontakpunte (4mm)
