![f0080-01](https://article-imgs.scribdassets.com/4b4xi9t7swaleoey/images/fileH5Q9ABE7.jpg)
![f0082-01](https://article-imgs.scribdassets.com/4b4xi9t7swaleoey/images/fileEFKSKBV0.jpg)
Dink vinnig aan ’n velskoen… voor jou geestesoog sien jy waarskynlik ’n paar sonbruin bene wat tussen ’n kakiekortbroek en ’n paar wolkouse uitsteek. Aan die onderpunt van die kouse is ’n paar uitgetrapte leerskoene, ou kalante vol plooie, skaafmerke en vlekke. Alles tekens van járe se dra.
Die snit is klassiek: Die vaalbruin leer kom om die enkels, ’n ry stiksel loop al met die sool langs, en met twee rye van drie ogies trek jy die spul met toutjieveters bymekaar. ’n Skoen vir ’n boer, werker, buitelugmens – eenvoudig maar taai.
Daardie beskeie leerskoen het iewers in die afgelope paar jaar nuwe lewe gekry, en deesdae sien ’n mens oral vellies aan voete wat nié noodwendig aan ’n boer behoort nie – van strooijonkers en Instagram-modelle tot prins Harry en die Suid-Afrikaanse atletiekspan se kleurryke weergawes by die 2020 Olimpiese Spele in Tokio, Japan. Die velskoen was nog altyd eg Suid-Afrikaans, maar nou het hy ook in die land se popkultuur ’n ikoon geword.
Uit die Sederberg
Maar wag eers ’n bietjie: Is dit velskoen of veldskoen? “Hier praat ons van ’n velskoen,” sê J.J. du Plessis op die stoep van die Strassbergers-skoenfabriek op Clanwilliam. “Want hy word van vel gemaak, sien?” Hy lag. “Jy kan seker ook ’n vellie in die veld dra, dan is dit ’n veldskoen!”
’n Mens kan maar