Kuier by Copper Kettle
operfontein se niks-en-stilte of die gehuggie se enigste koffiewinkel-en-onthaalplek sal waarskynlik die hoofrede wees waarom jy hier tussen die windturbines gaan uitslaan. Op die kompakte swartbordspyskaart by die ingang pryk uitstekende koffie (enkeloorsprong-Ethiopiese koffiebone van die Weskus Coffee Roastery op Langebaan) en ander drinkgoed, en te ete is daar croissants met allerlei se gunsteling, haar boosaardig lekker kaneelsuiker-cruffins (glo ’n kruising tussen ’n croissant en ’n muffin, maar die muffindeel het gelukkig net met die vorm van die eindproduk te doen… dis suiwer croissantdeeg gerol met báie kaneelsuiker). Copper Kettle is gesluit op Maandae en Dinsdae en doen sake van Woendae tot Sondae van 09:00 tot 17:00 (op Sondae net tot 14:00). Dit is ook ’n intieme venue met ’n binnehoftuin waar jy troues en partytjies vir tot 60 mense kan hou.
