Bosveldse kampoase
Die wêreld rondom Thabazimbi is bekend vir sy wildplase. Een van hulle is Lethabong-lodge, wat ’n klompie maande gelede geopen het. Wat die plek natuurlik meer besonders maak, is sy kampplek.
As ’n mens na ’n lugfoto van die oord kyk, is dit net bos... tot jy die blou kol in die middel met ’n groen rand rondom sien. Dit is Lethabong se waterpark met die netjiese grasperk – enige kind se droom. Daar’s glybane, swembaddens, ’n foefieslaaid en ’n hele paar watergange waar jy met ’n tjoep kan ronddryf. Lethabong het ook ’n reusespringkussing – iets tussen ’n trampolien en springkasteel. Die snoepwinkel, waar jy ook hout, houtskool en vuuraanstekers kan kry, is langsaan.
Die waterpark is oop van 09:00 tot 18:00 en toegang is gratis vir kampeerders.
Lethabong het 10 staanplekke, almal op ’n netjiese grasperk, met die naaste vier omtrent 40 m van die waterpark af. Die ander ses is nóg 40 m verder waar die grasperk eindig.
Elkeen van die staanplekke het sy eie badkamergeriewe. Dit word gehuisves in vyf geboue waarin twee badkamers vir die twee aangrensende staanplekke is. Daar’s ’n wasbak, toilet, stort en opwasgedeelte, en jy kry
