Die landbou vorm deel van die kern van die Suid-Afrikaanse ekonomie. Tog word die meeste boerderye op ’n informele manier deur families bedryf. Dit het voor- en nadele.
Besluite kan vinnig geneem word, en voordelige geleenthede vir die boerdery vinnig aangegryp en besigheidsgroei bevorder word.
Probleme kan egter ontstaan wanneer die volgende geslag deel van die besigheid word omdat daar geen formele kontrak en aftree-ouderdom is nie, en ook nie ’n struktuur of proses wat die oorgee van een geslag na die volgende reguleer nie.
Die inkomende geslag se verwagtinge verskil dikwels van die uittredende s’n. Saam met ’n gebrek aan kommunikasie kan dit tot konflik lei.
Insette van ’n professionele derde party, soos ’n onafhanklike finansiële instelling, sal verseker dat die oorgang volhoubaarder en suksesvoller plaasvind.
“Dit is raadsaam vir familiebesighede om ’n derde party te betrek wat hulle kan help met die formalisering van ’n ‘familiegrondwet’ waarin die
