Die pandemie het weereens ons skietplanne vir die jaar gesaboteer, en soos die derde Covid-golf stoom opgebou het, is een voëljag ná die ander eers uitgestel en later afgestel. Die seisoen het einde se kant toe gesnel en al skietgeleentheid wat ek tot dusver vir die jaar bygewoon het, was ’n tarentaaljag begin Mei.
Ek het Jaco, my jare lange skietvriend, gekontak en gevra om by sy neef Maritz, wat in die Settlers-omgewing boer, te hoor of ons nie ’n bepaalde Saterdag op sy plaas kon kom skiet nie. Ons was egter baie teleurgesteld om te hoor dat die Springbokvlakte-boerevereniging se tarentaaljag op dieselfde Saterdag sou plaasvind. Die jag was vir vroeër die jaar geskeduleer, maar is weens die Covid-pandemie uitgestel. Jaco se neef dien as gids vir dié jag en sy dienste sowel as sy plaas was dus dié dag
