SOPHIA VAN TAAK
Goggaboks
Dis net die ding om kinders al van kleins af in die natuurlewe te leer belang stel. Daar waar julle gaan vakansie hou, is dalk nie lekker doendinge vir die kleingoed nie, maar met ’n goggaboks lewer enige agterplaas, duin of stukkie veld ’n skattejag op.
Die kissie het ’n handvatsel aan die bokant, ’n swaaideurtjie aan die een sy en gaas reg rondom. Wys die kleingoed hoe om ’n insek, akkedissie of padda versigtig in die boksie te tel. Met die diertjie veilig binne-in kan die kinders hom nou met ’n vergrootglas (word verskaf) van alkante bekyk. Die skepseltjie het ook genoeg ruimte vir rondbeweeg en word nie tussen twee lomp vingertjies papgedruk nie. Met almal se nuuskierigheid bevredig, kan die gogga weer vrygelaat word.
R390 envirokid.co.za
Rottangmandjies
’n Mandjie is ’n handige bêreplek vir daai goed wat áltyd rondlê – soos kombersies, tydskrifte, skoene, speelgoed... Én dis boonop mooi en duursaam.
Die Marais-familie vleg al vir drie generasies rottangprodukte in die Paarl.
Die opsies is
