DIS moeilik om te dink dat baie van ons bekendste tegno- produkte ’n skrale 20 jaar gelede glad nie eens bestaan het nie. Die eerste iPhone en slim-TV is maar 15 jaar gelede uitgevind. Netflix het ook omtrent toe eers begin stroom. Die eerste Fitbit is 13 jaar gelede bekendgestel.
Deesdae is robotte oral. Ons doen banksake aanlyn eerder as om met ’n teller te praat, ons gesels met elektroniese stemme wanneer ons oproepsentra gebruik, en ons koop medisyne, meubels, kos, klere – eintlik enigiets – aanlyn sonder dat ’n ander mens enigsins deel van die proses uitmaak.
Dit alles beteken daar is hope geleenthede in dié rigting as jy gereed is om nuwe vaardighede op te doen.
“Digitalisering kan teen 2030 altesaam 1,7 miljoen ekstra poste