In die laat negentigerjare het iemand die idee gehad om ‘n enkelkajuit bakkie se laaibak te verkort en die kajuit te verleng. Só is die dubbelkajuit bakkie gebore en dit het gou ‘n groot gunsteling onder diegene wat hul voertuie vir werk en ontspanning gebruik, geword. Nou, twee dekades later, vra ons ‘n kritiese vraag: Wat kan die dubbelkajuit doen om relevant te bly in ‘n landskap wat met sportnuts-en oorkruisvoertuie besaai is? Ford het die vraag ter harte geneem en het ‘n nuwe standaard vir bakkies regoor die wêreld gestel.
Aantreklike nuwe ontwerp
Die stilering van die nuwe Ranger is uit die boonste rakke. Dit is ‘n super sexy bakkie! Volgens Ford was die doelwit dat die ontwerp Ranger-eienaars sal inspireer om te doen waarvoor hulle lief is en om hul selfvertroue aan te wakker. Dit wek beslis ‘n mate van selfvertroue as jy daarna kyk. Dit voel nie soos ‘n Suid-Afrikaans vervaardigde produk nie en het hope van daardie Amerikaanse sjarme.
Ek was mal oor die
