Ek sny die vakuumpakkie oop, een wat ek nog self geseël het. Met die skietgee van die plastiek besef ek dis die eerste keer dat hierdie wildebeeskoeitjie Kaapse lug inasem. Sy kom uit hibernasie in die donker dieptes van die vrieskas. Daar het sy gesluimer, net om my vandag weer te tref met herinneringe van haar wêreld.
Dit was warm, Namibië-warm, die dag toe sy daar aan die sandkant van Otjozondjupa die koelte van ’n jong kiaatboompie opgesoek het. Agter die rosyntjiebosse aan die oorkant van ’n droë pan het Ronnie sy
