![f068-01](https://article-imgs.scribdassets.com/68x6ub3f5salpnim/images/fileEZ2QBZ10.jpg)
Nadat hy jare lank gesleep het, het Theunis onlangs vir hulle ’n spoggerige abbawa op ’n Land Cruiser-bakkie aangeskaf. Maar voordat hulle gunstelingbestemmings soos die Richtersveld kon aandurf, was dit tyd vir ’n nooiensvaart om te kyk of alles werk en op sy plek is. Daarvoor is daar nie ’n beter plek as Boegoeberg nie, vertel Theunis.
Dis 08:00 op ’n Vrydagoggend en ek kyk gou vir oulaas of daar enige dringende e-posse is wat my onmiddellike aandag verg. Skielik lyk nie een van hulle só dringend dat dit nou ’n antwoord regverdig nie. Ek delegeer hier en daar een terug hoofkantoor toe, want daar is ’n baie belangriker taak wat nou wag: Dis tyd om die pad te vat na Boegoeberg se kampterrein met sy welige akkerbome en lieflike groot dam waar ’n mens heerlik kan afkoel as die Sandveld se son die kwik verby 30 ºC druk.
Ons moet egter eers gou ’n draai maak by Outdoor Warehouse in Bellville. Ek pak al heelweek ons nuwe kampwa, maar het eers Donderdagaand besef die 20 ℓ-kassettoilet pas nie onder die bed nie. Nee, daardie opening is gemaak vir ’n 10 ℓ-model en niks anders sal daar pas nie.
’n bietjie oor die konsep van ’n kampwa. ’n Mens wil mos jou kampervaring so gerieflik as moontlik