1 ‘’N GROOT BOOM HET GEVAL’
Huldeblyke aan Louis van Niekerk het ingestroom ná sy dood op 87. Die akteur het ’n lang loopbaan op die verhoog, silwerdoek en kassie gehad
Ek het hom baie ge - niet in Mattewis en Meraai saam met Annette Engelbrecht. Hulle was daai jare – dit was 1983 – nog so jonk. Ou Fes, jou mooi diep stem het ons al-tyd so betower. Rus in vrede, Louis van Niekerk. Saluut.
ANSIE
Rus in vrede, Louis van Niekerk. Jy is ’n ware legende. Jy het ons vermaak, baie laat lag en soms ’n traan laat pink in al die vele rolle wat jy vertolk het. Jy het baie diep spore in die bedryf getrap. Ons salueer jou.
MARINDA
Rus sag, oom Louis. Ek onthou nog goed toe hy die rol van King Lear vertolk het in die Staatsteater in Pretoria se opvoering van Shakespeare se stuk. As ’n dramastudent destyds het sy toneelspel my vasgenael gehou.